Barakaldoko Udalak eta Bizkaiko Foru Aldundiak Lutxana auzoko fabriken arteko errepidea birgaitzea bultzatu dute
Barakaldoko osoko bilkurak ontzat eman du gaur arratsaldean Lutxana auzoko fabriken arteko errepide ezaguna birgaitzeko Udalak eta Bizkaiko Foru Aldundiak sinatutako lankidetza-hitzarmena. Proiektu estrategiko horri esker, udalerriko espazio historiko bat berreskuratu ahal izango da, Bizkaiko Labe Garaietako Sestao eta Ansio lantegiak lotzen zituen trenbide plataforma zaharrak okupatuta zegoena, eta Lutxanaren eta inguruko auzoen (Gurutzeta, Zuazo eta Arrontegi) arteko lotura hobetu ahal izango da. Obrak 8,5 milioi euroko aurrekontua du, eta Foru Aldundiak finantzatuko du gehiena.
Akordio horri esker, Bizkaiko Foru Aldundiak 6 milioi euro eta obraren proiektu teknikoa jarriko ditu, eta Barakaldoko Udalak, berriz, 3 milioi euro, hiriko proiektu estrategikoak gauzatzeko Barakaldok onartutako maileguaren bidez finantzatuta.
Barakaldoko Udalak ere bere gain hartuko ditu lanak.
Hiri-bide berria, berdeagoa, modernoagoa eta lotuagoa
Jarduerak Ansioko biribilguneko tuneletik errepidearen amaieraraino doan espazioa eraldatzea aurreikusten du, Serraltako futbol-zelaiaren ondora, doan espazioa eraldatzea aurreikusten du jarduketak. Inguruan kale berri bat sortuko da, Serralta Zumardia eta Aita Olaetxea Apezpikuaren kalea (lehengo BI-739) lotuko dituena. Horretarako, zirkulaziorako erreiak eta aparkalekuak sortuko dira bi aldeetan, bai lerroan bai baterian, gutxi gorabehera 240 plazarekin. Bide berri horrek Serraltara eta Bilbao Exhibition Centrera (BEC) sartzeko aukera emango du, inguruneko mugikortasuna eta Lutxanako lotura inguruko auzoekin hobetzen laguntzeko.
Proiektuak, gainera, Andikollado kalearekiko elkargunean biribilgune bat eraikitzea jasotzen du, baita area osorik berrurbanizatzea ere, Serralta zumarkaleko trafikoa eta aparkalekua berrantolatzeko, dauden bidegurutzeetako zirkulazioa optimizatzeko eta inguruneari irudi modernoagoa eta irisgarriagoa emateko. Halaber, Serralta zumarkalearen azpiko lurpeko oinezkoentzako pasabidea itxiko da, eta igogailu bat eta eskailerak eraikiko dira bi kale-mailak lotzeko.
Elementu nabarmenetako bat 3 metro zabaleko bidegorri bat sortzea izango da, ia kilometro batekoa. Bidegorri horrek inguruan dauden bizikleta-bideekin bat egingo du, Barakaldoko bizikleta-bideen sarea indartuz eta mugikortasun iraunkorra sustatuz.
Era berean, proiektuak argiteria publikoa berritzea eta zuhaizti eta landaredi berriak landatzea aurreikusten du, Barakaldoko Hiri Zuhaitzak Babesteko Ordenantzaren jarraibideei jarraituz, ingurunearen ingurumen- eta paisaia-kalitatea handitzeko helburuarekin.
"Jarduera honek industria-gune historiko bat azpiegitura moderno, berde eta jasangarri bihurtzea irudikatzen du, gure bizilagunen lotura eta bizi-kalitatea hobetzeko pentsatua", nabarmendu du Jon Andoni Uria Auzoetarako eta Hirirako Obretako zinegotziak.
(ITURRIA: Barakaldoko Udala)
Partekatu:
Facebook 