EAJ-PNV auzoetara itzuliko da Udalean egindako lana partekatzeko eta barakaldarrei azaltzeko

Amaia del Campo alkatea eta alkategaiak iragarri du bihartik martxoaren 2ra bitartean Gora Barakaldoko karpa auzoetan zehar ibiliko dela kontuak emanez eta hiria eta auzoak hobetzeko proposamenak bilduz

Euzko Alderdi Jeltzalea auzoetan barrena dabil berriz ere, Barakaldoko Alkatetzatik egindako kudeaketa barakaldarrekin azalduz eta partekatuz. Amaia del Campo alkatea eta EAJ-PNVko alkategaiak iragarri du gaur goizean ekimena, Gorka Zubiaurre udal taldeko bozeramailearekin batera. Zehazki, 2014an hasitako Gora Barakaldo proiektua auzoetara itzuliko da bihartik, ostegunetik, eta hiriko 14 puntu zeharkatuko dira martxoaren 2ra arte. Barakaldoko bizilagunekin kontuak ematea da helburua, legegintzaldi honetan gauzatu diren konpromisoak, oraindik gauzatzeke daudenak eta gauzatu ezin izango direnak azaltzeko. Gainera, EAJ-PNVko zinegotziek hiria eta auzoak hobetzen jarraitzeko proposamenak eta ideiak jasoko dituzte.

“Hori da politika egitea gustatzen zaigun modua. Gure lana auzokideekin partekatuz, bertako partaide eginez, auzo bakoitzera umiltasunez eta gardentasunez hurbilduz; gure bizilagunekin elkarrizketak hasteko eta gure hiria zeharkatzen ari den une pozgarria azaltzeko gogoz. Barakaldo aukera handiko garai batean dagoelako, hirian bizi garen pertsonak eta gure beharrak Udaletik garatzen diren gizarte-politiken erdigunean egongo diren etorkizuna garatzeko proiektu garrantzitsuekin”, azaldu du Del Campok.

Iritsi da garaia auzoetara atera eta hiriko plazak zeharkatzeko, bertatik bertara azaltzeko nola dagoen 2019an herritarrekin hartutako konpromisoen garapena. Baina EAJ-PNVk herritarrei ere entzun nahi die, haien ekarpenak eta beharrak jaso nahi ditu, “eta haiekin osatu nahi ditu hurrengo legegintzaldiari begira hauteskunde programa gisa hartuko ditugun konpromisoak”, Amaia del Campo alkategaiak adierazi duenez. Horientzat, auzoetako karpez gain, online galdetegi bat prestatu da www.eajpnv-barakaldo.eus web orrian, hala nahi duten herritarrek sartu eta Barakaldo eta auzoak hobetzen jarraitzeko ekarpenak helarazteko aukera izan dezaten.

Hamalau puntu martxoaren 2ra arte

Gora Barakaldoko karpak hamalau gune desberdin zeharkatuko ditu, hiriko auzoetan banatuta. Ostegunero eta larunbatero egingo du, bihartik aurrera, bihar Bide Oneran, datorren martxoaren 2ra arte. Karpa herritarren topagunea izango da Udalaren Agintaldi Plana osatzen duten 86 proiektuen kontuak emateko. Aste honetan iragarri denez, proiektuak % 97,68ko betetze-maila du. «Barakaldarrak animatu nahi ditut gure karpara hurbiltzera beren auzoetan ikusten gaituztenean, pozik egongo baikara gure lana azaltzeaz, haien ekarpenak entzuteaz, haiekin hitz egiteaz», animatu du Del Campok.

Bestalde, Euzko Alderdi Jeltzaleak iaz hiriko 192 preskribatzailerekin baino gehiagorekin egindako entzute aktiboko lanarekin jarraituko du karpak. Horretarako, Zubiaurrek azaldu duen bezala, elkarrizketa pertsonalak egin dira hiriko elkarte-sare aberatsa ordezkatzen duten pertsona eta kolektibo antolatuekin. “Bilerak egin ditugu gizarte, kultura, kirol, adinekoen elkarte, haur eta gazteen ordezkariekin, hiriko produkzio-sektoreetako ordezkariekin eta hainbat sailetako udal-langileekin, eta lan hau osatzeko, bi hilabete hauetan hala nahi duten Barakaldoko bizilagunen parte-hartzea lortu nahi dugu.

Barakaldo, 2023ko urtarrilaren 11

Twitter

Facebook