Gazte Trainning-en edizio berriak lau hilabeterako jarduerak eskainiko ditu nerabeen artean aisialdi osasungarria sustatzeko
Barakaldoko Gazteria Saileko Giltzarri nerabeen udal plataformak programa bat diseinatu du, Barakaldoko nerabeen kirol-jarduera eta bizi-ohitura osasungarriak suspertze aldera. Gazte Trainning da, gazteei jarduera osasungarriak eskaintzeko itzultzen den proiektua; jarduera horien artean barreterapia edo lehen sorospeneko tailerrak daude. "Kirola egiteak hainbat onura dakartza, besteak beste, gizarteratzea eta herritar guztientzako ohitura osasungarriak sortzea, forma fisiko ona eta ongizate emozionala", gogorarazi du Jonathan Martín Barakaldoko Udaleko Gazteria arloko zinegotziak.
Lortu nahi den helburua gazteak aktibatzea da, jarduera fisikoaren bidez eta hainbat kirol-diziplinaren hastapenaren eta aurkezpenaren bidez; halaber, diziplina horiek hezkuntza-jarduerekin konbinatu nahi dira, beren burua zaintzea, elikadura egokia, ongizate emozionala eta, azken batean, osasuna ikuspegi integral batetik helburu izanik. Horrela, otsailetik maiatzera bitartean, askotariko jardueren programa bat aurkezten da, diziplina erakargarrietan eta gaurkotasun osoko diziplinetan hasteko: aquamix, padel, tenis, waterpolo, igeriketa teknika edo kalistenia. Gainera, mendi-ibiliak egiteko irteera bat, barreterapia tailerrak (belaunaldi-jarduera) edo lehen sorospenetarako tailerrak egingo dira.
LANKIDETZA BARAKALDO KIROLAK ELKARTEAREKIN
Programa Barakaldo Kirolak elkartearekin lankidetzan diseinatu da. Hainbat programaren bidez, herritarrei aukera ematen zaiie kirol diziplina berriak ezagutzeko eta horietan hasteko, eta kirola eta bizi-ohitura aktibo eta osasungarriak sustatzeko.
Jarduerak goizez zein arratsaldez egingo dira, eta Lasesarreko kiroldegiaren eta Los Hermanos gizarteratzeko zentroko topalekuaren artean banatuta daude. Jarduerak 12 eta 18 urte bitarteko gazteentzat izango dira, doakoak izango dira eta, parte hartzeko, aldez aurretik izena eman beharko da Barakaldo udal egoitza elektronikoaren bidez, otsailaren 1etik 7ra.
Plazak mugatuak izango dira eta izen-ematearen ordenaren arabera esleituko dira harik eta edukiera bete arte.
Informazio gehiago nahi izanez gero, jarri harremanetan Giltzarri zerbitzuko 944789597/944789598 telefonoetara deituz edo idatzi mezu elektroniko bat giltzarri@barakaldo.eus helbidera.
(ITURRIA: Barakaldoko Udala)
Partekatu:
Facebook 