Kanpaina bat egingo du Barakaldok merkataritzak bat egin dezan lokalez lokal papera eta kartoia doan biltzeko zerbitzuarekin

Barakaldoko Udalak, Auzoetako eta Hiriko Obra eta Zerbitzu Arloaren eta Inguralde Toki Garapenerako Agentziaren bitartez, kartoia eta papera lokalez lokal biltzeko zerbitzua eskaintzen dio saltokiari. Ekimen hori hiri-hondakinak biltzeaz arduratzen den enpresaren bidez kudeatzen da, eta material horren birziklapena areagotzea eta hiriko edukiontzi urdinak etxeko erabilerarako liberatzea du helburu. "Barakaldo gero eta hiri berdeagoa eta jasangarriagoa egiteko, hirian elkarrekin bizi garen eragile guztien inplikazioa behar da. Dendak kartoizko eta paperezko sortzaile handiak dira, eta horregatik uste dugu funtsezkoa dela birziklatze-lana erraztea, guztion artean hiri garbiago eta ekologikoago baten alde bat egin dezagun ", adierazi du Jon Andoni Uriak, Auzoetako eta Hiriko Obra eta Zerbitzu Arloko zinegotziak.

Kanpaina berriaren helburua da ostalaritzako saltoki eta lokalak animatzea doako eta borondatezko programa honetan izena ematera. Horretarako, informazio-liburuxka berri bat sortu da, hiriko lokalen artean banatzen hasi dena, zerbitzuaren funtzionamendua eta abantailak ezagutarazteko.

Zehazki, zerbitzuak berekin dakar tokiko negozioen arduradunei aukera ematea sortzen duten papera eta kartoia beren lokaleko atean bertan biltzeko ordu bat zehazteko Udalarekin batera. "Kartoi eta paper kantitate handiak, askotan, kutxen bolumenaren ondorioz, edukiontziak gainezka egiten dute. Zerbitzu horri esker, herritarrek edukiontziak erabiltzeko aukera libre uzten da ", azpimarratu du.

SALTOKIAK PARTE HARTZERA ANIMATZEA
Udalak kanpaina hau abian jarri du tokiko saltokien eta enpresa ertainen parte-hartzea bultzatzeko, "Oso onuragarria delako haientzat, baina baita hiriarentzat ere, sistema horrek gure kaleak garbi mantentzen laguntzen digulako", azpimarratu du Uriak. Orain arte, 109 lokalek eman dute izena zerbitzuan, eta 40 bat saltoki gehiago egon daitezkeela uste da. "Haientzat pegatina bat sortu dugu, Barakaldo jasangarriago bat sortzeko laguntzaile gisa identifikatzeko", adierazi du David Sollak, Ekonomia Sustapeneko zinegotziak. Gainera, atxikitako saltokiek eskerrak emateko gutun bat jaso dute, zerbitzu honetan beren borondatez bat egiteagatik eta hondakinen bilketa bereizlea egiten laguntzeagatik, birziklatze-tasa handitzeagatik eta bide publikoaren eta, azken batean, hiriaren irudia hobetzeagatik.

IZEN-EMATEA HAZEN BIDEZ
Zerbitzu hori erabili ahal izateko, Udalaren Herritarrentzako Arreta Zerbitzuari (HAZ) ¿ Herriko Plaza eta Gurutzeta eta Clara Campoamor zentro zibikoak- jakinarazi beharko zaio 944 789 200 telefonoaren bidez edo haz-sac@barakaldo.eus helbide elektronikoaren bidez. "Garbiketa-enpresak lokaletako arduradunekin aurrez ezarritako ordutegitik aurrera bilduko ditu hondakinak. Arduradun horiek papera eta kartoia ordutegi horren barruan utzi beharko dituzte, ordenatuta eta tolestuta, oinezkoei pasatzen uzbeko moduan", zehaztu du zinegotziak.

Azkenik, gogorarazi beharra dago elementuak kalean uztea zigortuta dagoela, eta, horregatik, merkatariei eskatu die "bilketa-enpresarekin ezarritako ordutegiak errespetatzeko, errazagoa izan dadin hirian ordena eta garbitasuna mantentzea". Betebehar hori ez betetzea arau-hauste oso larritzat joko da, eta 3.000,00 eurorainoko isunarekin zehatuko da.

(ITURRIA: Barakaldoko Udala)

Twitter

Facebook