Arteagabeitiako liburutegia datorren astelehenean, martxoak 11, itxiko dute, apirilean hasiko den erreforma prestatzeko
Arteagabeitiako liburutegia martxoaren 11n itxiko da, eraberritze lanak hasi aurretik liburuak biltzeko, apalategiak desmuntatzeko... Azaroan jakinarazi zen bezala, eraberritzeak 384.560 euroko kostua du, eta irisgarritasuna, klimatizazioa, isolamendu termikoa, komunak eta abar izango ditu ardatz. Itxierarekin batera, Irakurketa Klubean egiteke dauden saioak San Bizenteko liburutegira eramango dira.
Lehenik eta behin, eraikinaren fatxadan jardungo da, portaera termikoa hobetzeko. Horrela, isolamendu termikoko geruza bat instalatuko da eta arotzeria aldatuko da, eraikinaren irudia modernizatuz. Klimatizazio-sistema ere instalatuko da. Liburutegiaren eraberritzea barrura ere pasatuko da, lehenik eta behin erabiltzaileentzako sarbide berri bat sortuko da, irisgarriagoa. Sarrera aldatzean, solairuaren barrualdea banatuko da, eta gela ireki argia sortuko da, L formakoa, liburutegiaren erabiltzaileen adinaren araberako zonakatzea erraztuz. Gainera, komunak, garbiketa-gela, instalazioen gunea... berrituko dira.
Obrak apirilean hastea aurreikusten da, eta 4 hilabeteko iraupena izango dute, gutxi gorabehera.
GURUTZETAKO LIBURUTEGIA IXTEA HORMAK MANTENTZEAGATIK
Bestalde, Udalak Gurutzetako liburutegia itxita izango du hiru egunez, martxoaren 5, 6 eta 7an. Kasu honetan, itxi egin behar da, mantentze-lanak egingo baitira hormak saneatu eta margotzeko.
(ITURRIA: Barakaldoko Udala)
Partekatu:
Facebook 